He Tūranga e Wātea Ana

Ngā Tūnga Pouako mō

Te Tohu Paetahi Ako Kura Kaupapa Māori

E te Motu, Aronui Māori Mai.

E rua ngā tūnga hou o Te Wānanga Takiura e wātea ana mo ngā Pouako mōhio ki te whakaako, ki te whakangungu tauira, ki te hōtaka ā Te Tohu Paetahi Ako, mo ngā tau e toru, hai Kaiako kounga, i roto i o tātau momo Kura Māori, Kura Māori ā Iwi, Kura Kaupapa Māori rānei, huri noa i te motu.

Kei te hiahia ki ngā Pouako kua rēhitangia e te Matatū Aotearoa, hai Kaiako, e mārama ana, e matatau ana, ki te whakaako i ētahi, i te katoa rānei, o ēnei marautanga o:

  • Te Tikanga ā Iwi,

  • Te Pāngarau,

  • Te Rangahau Uaratanga,

  • Te Pūtaiao,

  • Ngā Mahi ā Rehia,

  • Te Pūoro,

  • Te Hauora,

  • Te Hākinakina,

  • Te Pānui Tuhi,

  • Te Reo Māori me āna tikanga katoa ki ngā taumata matataunga o te 5, o te 6, o te 7.

I tua atu, me matatau ki te whakaako i ēnei marautanga i roto i te reo Māori anake.

Ko ngā Kaitono anō, me:

  • Matatau ki ngā rerenga mita katoa o to tātau reo Māori

  • Tangata whenua te mōhiotanga ki ngā kawa o o tātau Marae

  • Marama pū ki ngā tikanga, ki ngā mātauranga o to tātau Ao Māori

I tua atu, kua mau pūmau tonu ki ngā tuākiritanga o; te piripono, te māhaki, te whakaiti, te mauritau, te hihiri, te whanaungatanga, te mahi ngātahi.

Mehemea ka hiahiatia ki te tuku tono mo ēnei tūnga papai rawa atu, me te rawe hoki o te utu, tonoa mai ā te puka ki raro, ā īmērā rānei: ttrw@twt.ac.nz